TR Madhavan Aug 22, 2019

+4 प्रतिक्रिया 0 कॉमेंट्स • 0 शेयर
TR Madhavan Aug 19, 2019

+5 प्रतिक्रिया 0 कॉमेंट्स • 2 शेयर
TR Madhavan Aug 18, 2019

+7 प्रतिक्रिया 0 कॉमेंट्स • 6 शेयर
TR Madhavan Aug 18, 2019

கேடு தரும் பொறாமை குணம்! செல்வங்கள் அனைத்தையும், சகுனியின் வஞ்சனை சூதாட்டத்தில் இழந்து, பாண்டவர்கள், 'துவைத வனம்' எனும் இடத்தில் இருந்த காலகட்டம்... பூஜை, மற்றும் மகான்களிடம் நற்கதைகள் கேட்பது என, அமைதியாக காலம் கடத்தினர், பாண்டவர்கள். இருந்தாலும், துரியோதனனால் அதைப் பொறுக்க முடியவில்லை. செல்வம், அரண்மனை, படை, பெற்றோர் மற்றும் உடன் பிறந்தோர் என, அனைத்தும் இருந்தும், அவைகளை எல்லாம் மீறி, பொறாமையும் இருந்தது. சகுனி வேறு அதைத் துாண்டி, துாபம் போட்டார். விளைவு... பசு குலங்களை பார்த்துக் கொள்ளும் ஆட்கள் மூலம், 'கணக்கெடுக்க வேண்டும்...' என்றெல்லாம் தகவல் சொல்லச் சொல்லி, பல வகைகளிலும் திட்டம் தீட்டினான்; கர்ணன், சகுனி முதலான பலருடனும், பாண்டவர்கள் இருந்த வனத்திற்கு சென்றான், துரியோதனன். போனவன், தன் உற்றார், -சுற்றார் என, அனைவருடனும், பாண்டவர் பார்வையில் படும்படியாக, ஆர்ப்பாட்ட கொண்டாட்டங்கள் போட்டான். அவன் ஆட்ட,- பாட்டங்களை கண்டு, பாண்டவர்கள் வருத்தப்பட வேண்டும் என்பது, துரியோதனனின் எண்ணம். அதேசமயம், தேவேந்திரன் ஏவலால், இந்திரசேனன் எனும் கந்தர்வன், பாண்டவர்கள் இருந்த வனத்திற்கு வந்தான். அவனையும், இழிவாக கருதிய துரியோதனப் படைகள், கந்தர்வனுடன் மோத, கடும் போர் மூண்டது. துரியோதனன் மற்றும் கர்ணன் உட்பட அனைவரையும் கடுமையாக தாக்கி, கட்டியிழுத்துச் செல்லத் துவங்கினான், கந்தர்வன். பொறாமையின் காரணமாக, பாண்டவர்களை அவமானப்படுத்துவதற்காக, திட்டங்கள் பல தீட்டிய துரியோதனன், பாண்டவர்களுக்கு தெரியும்படியாகவே அவமானப்பட்டான். அப்போது, உதவிக்கு, பாண்டவர்களை அழைத்து புலம்பினான், துரியோதனன். அவமானப்படுத்த வந்தவன், அவமானப்பட்டு அலறுவதைக் கேட்ட, தர்மர், அவனை காப்பாற்றுமாறு, தம்பிகளை ஏவினார். தம்பிகளோ, 'வஞ்சனை எண்ணம் கொண்ட துரியோதனன், தீயவர்களுடன் சேர்ந்து, வஞ்சகமாக சூதாட்டம் நடத்தி, நம்மை காட்டிற்கு அனுப்பினான். அது மட்டுமா, இந்த காட்டிலும், நாம் மகிழ்ச்சியாக இருப்பது பொறுக்காமல், அவமானப்படுத்த வந்திருக்கிறான். 'செய்த தவறுக்குத் தண்டனையை அனுபவிக்கிறான். 'கெடுவான் கேடு நினைப்பான்!' அவனைப் போய், நாம் ஏன் காப்பாற்ற வேண்டும்...' என, மறுத்தனர். 'சகோதரர்களே... நமக்குள், பகை வந்தால், அவர்கள், 100 பேர்; நாம், ஐந்து பேர். ஆனால், பகை வெளியில் இருந்து வந்தால், நாம், 105 பேர். துரியோதனனை, நீங்கள் காப்பாற்றா விட்டால், நானே போய் காப்பாற்றுகிறேன்...' என்றார், தர்மர். பிறகு, காப்பாற்றப்பட்டான், துரியோதனன். பஞ்ச பாண்டவர்களிடம் பொறாமை கொண்ட அவன், அதன் பிறகும் திருந்தவில்லை. விளைவு... அவன் கொண்ட பொறாமையே, அவனுக்கு தீங்கானது. பொறாமை எங்கு குடியேறுகிறதோ, அந்த இடத்தை முழுவதுமாக ஆக்கிரமித்து குலைத்து விடும். எச்சரிக்கையாக இருந்தால், ஏற்றம் பெறலாம் என்பதை விளக்கும் கதையிது.

+2 प्रतिक्रिया 1 कॉमेंट्स • 13 शेयर
TR Madhavan Aug 18, 2019

#தோஷங்கள்_நீங்கும்_சந்தோஷம்_பெருகும்_மஹா_சங்கடஹர_சதுர்த்தி! -- விநாயகர், முழுமுதற் கடவுள். அவருக்கு உகந்த விரதம், சங்கட ஹர சதுர்த்தி விரதம். அதிலும் மிக விசேஷமானது மஹா சங்கட ஹர சதுர்த்தி விரதம். -- #சந்திரனுக்குக்_கிடைத்த_சாபம்! ஒருமுறை, சந்திரன் கயிலைக்குச் சென்றிருந்தபோது, அங்கு விநாயகர் விளையாடிக்கொண்டு இருந்ததைப் பார்த்தான். விநாயகர் குதித்துக் குதித்து விளையாடுவதற்கு ஏற்ப, அவருடைய தொந்தியும் குலுங்கிகொண்டிருந்தது. அதைப் பார்த்ததும், சந்திரனுக்குச் சிரிப்பு வந்துவிட்டது. விநாயகரைப் பார்த்து கேலியாகச் சிரித்தான். அந்தச் சிரிப்பு விநாயகருக்குக் கோபத்தை வரவழைத்துவிட்டது. உடனே, ``நீ தேய்ந்து மறையக்கடவாய் என்று சந்திரனைச் சபித்துவிட்டார். சந்திரன் மறைந்ததால், உலகம் இருளில் மூழ்கியது. தேவர்கள் விநாயகரைச் சரண் புகுந்தார்கள். தன் தவற்றுக்கு வருந்திய சந்திரனும் தன்னை மன்னிக்குமாறு வேண்டித் தவம் புரிந்தான். மனம் இரங்கிய விநாயகர், #சந்திரனைத்_தன்_தலையில்_சூடிக்கொண்டார். -- `பாலசந்திரன் என்ற பெயருடன் அருள்பாலித்து, சந்திரனுக்கு வளரும் தன்மையைத் தந்தார். அதாவது, 15 நாட்கள் மெல்லத் தேய்ந்து (#தேய்_பிறை), பின்பு 15 நாட்கள் மெள்ள வளரும்படியான (#வளர்_பிறை) வரத்தை அருளினார். அப்படி, சந்திர பகவான் வரம் பெற்ற நாள் #தேய்பிறை_சதுர்த்தி. -- `#சங்கட_ஹர' என்றால், `சங்கடத்தை (துன்பத்தை) நீக்குதல் என்று பொருள். உலக வாழ்வில் நாம் செய்த கர்மவினையின் பலனாக வரும் எல்லாவித இன்னல்களையும் போக்கி, அளவில்லாத நன்மைகளைத் தருவதால் இந்த விரதம் சங்கட ஹர சதுர்த்தி விரதம் என்று போற்றப்படுகிறது. -- சங்கடஹர சதுர்த்தி மாதம்தோறும் வரும் என்றாலும், #விநாயகர்_அவதரித்த_ஆவணி_மாதத்தில் பௌர்ணமிக்குப் பிறகு வரும் (தேய்பிறை) சதுர்த்தி, #மஹா_சங்கடஹர_சதுர்த்தி என்று கூடுதல் சிறப்பு பெறுகிறது. அன்றைய தினத்தில் விநாயகரை வணங்கி, வழிபடுவோருக்கு, சகலவிதமான சங்கடங்களும் விலகும்; சந்தோஷம் பெருகும். #நான்காம்_பிறையை_பார்க்கக்_கூடாது_ஏன்? பொதுவாக, `நாலாம் பிறை யைப் பார்க்கக் கூடாது என்பார்கள் பெரியவர்கள். நான்காம் நாள் பிறையைப் பார்ப்பவர்களுக்கு `#மித்ர_தோஷம்' ஏற்படும் என்று வரலாறு கூறுகிறது. ஒருமுறை, பகவான் கிருஷ்ணரே நாலாம் பிறையைப் பார்த்துவிடுகிறார். அதன் விளைவாக அவருக்கும் மித்ர தோஷம் ஏற்படுகிறது. -- சத்ராஜித் என்னும் மன்னன் சூரியனை வழிபட்டு, அதன் பலனாக சூரிய பகவானிடமிருந்து #சியமந்தக_மணியைப்_பெற்றான். அவன் அந்த ரத்தினத்தை அணிந்திருந்தபோது, சூரிய பகவானைப்போல் பிரகாசத்துடன் காணப்பட்டான். அந்த நேரத்தில், அங்கு வந்த கிருஷ்ண பகவான், அந்த மணியைக் கையில் எடுத்துப் பார்க்க ஆவல்கொண்டார். ஆனால், சத்ராஜித் அதற்கு மறுத்துவிட்டான். -- பிறகு ஒருமுறை, சத்ராஜித்தின் சகோதரன் ப்ரசேனன், அந்த ரத்தினத்தை (சியமந்தக மணி) அணிந்துகொண்டு வேட்டைக்குச் சென்றான். அப்போது சிங்கம் ஒன்று அவனைத் தாக்கிக் கொன்று, அந்த ரத்தினத்தையும் எடுத்துச் சென்றுவிட்டது. இதனால், சத்ராஜித் மன்னனும், மற்ற பொதுமக்களும் பகவான் கிருஷ்ணர் மீதே சந்தேகம் கொண்டனர். இதனால், கிருஷ்ணர் அவமானத்துக்குள்ளாக நேர்ந்தது. இதைக் கேள்விப்பட்ட ஸ்ரீநாரதர் கிருஷ்ணரிடம் வந்தார். `நாலாம் பிறையைப் பார்த்ததால் வந்த விளைவே இது என்றார். `சதுர்த்தியன்று விநாயகப் பெருமானை தரிசித்தால், இந்தப் பழியில் இருந்து நீங்கலாம்' என்று ஆலோசனையும் கூறினார். அதன்படியே, கிருஷ்ணரும் விநாயகரை வழிபட்டு, தனக்கு நேர்ந்த அவமானத்தைத் துடைக்க, அந்த ரத்தினத்தைத் தேடி தானே புறப்பட்டார். இறுதியில் கரடிக் கூட்டத்தின் தலைவனான ஜாம்பவானிடம் அந்த ரத்தினம் இருப்பதை அறிந்து, அவனுடைய குகையை நோக்கிச் சென்றார். -- இந்த ஜாம்பவான் வேறு யாருமல்ல; ராமாவதாரத்தின்போது சீதா பிராட்டியைக் கண்டடைய ஸ்ரீராமருக்கு உதவி செய்தவரேதான்! ஆஞ்சநேய சுவாமிக்கு அவரது பலம் குறித்து நினைவூட்டியவரும் இவரே. இவருக்கு ஸ்ரீராமபிரானைக் கட்டித் தழுவ வேண்டுமென்ற ஆசை நெடுநாளாக இருந்தது. ஆனால், தன் உடம்பில் இருக்கும் ரோமங்கள் அவரை புண்ணாக்கிவிடக்கூடும் என்று அஞ்சி, தமது ஆசையை வெளிப்படுத்தாமல் அடக்கிக்கொண்டிருந்தார். -- ராமர் மீது இந்த அளவுக்கு பக்திகொண்டிருந்த ஜாம்பவான், ஸ்ரீகிருஷ்ணர்தான் ராமராகவும் அவதரித்தவர் என்பதை அறியாமல், அவருடன் போர்புரிய ஆயத்தமானார். துவந்த யுத்தமும் தொடங்கியது. இருவரும் கட்டிப் புரண்டு சண்டையிடும்போதுதான், தன்னுடன் சண்டை இடுபவர் ஸ்ரீராமர் என்று அறிந்தார் ஜாம்பவான். -- பின்னர், நடந்த தவற்றுக்கு மன்னிப்புக் கோரி, தனது மகளான ஜாம்பவதியை கிருஷ்ணருக்கு மணமுடித்துவைத்தார். சமந்தகமணி என்கிற ரத்தினத்தையும் அவரிடமே ஒப்படைத்தார். அந்த சமந்தக மணியை சத்ராஜித்திடம் சேர்ப்பித்தார் ஸ்ரீகிருஷ்ணர். கிருஷ்ணர் மீது வீண் பழி சுமத்தியதற்காக வருந்திய சத்ராஜித், அவரிடம் மன்னிப்புக் கோரி, தன் மகளான சத்யபாமாவையும் அவருக்கே மணமுடித்துத் தந்தான். இந்தப் புராணக் கதையைப் படிப்பவர்கள் அனைவரும், தங்களுக்கு ஏற்பட்ட வீண்பழியிலிருந்து நீங்கப் பெறுவர் என்பது ஐதீகம். -- நாமும், #சிராவண_மாதத்தில் வரும் இந்தச் #சங்கட_ஹர_சதுர்த்தியன்று விநாயகப் பெருமானை வழிபட்டால், அந்த #வருடம்_முழுக்க வரும் சங்கட ஹர சதுர்த்திகள் அத்தனைக்கும் சேர்த்து வழிபட்ட பலனை அடையலாம். நாளை மஹா சங்கடஹர சதுர்த்தி. விரதம் இருப்பது எப்படி என்பதை அறிவோமா? #விரதம்_இருக்கும்_முறை: காலையில் நீராடி, தூய ஆடை அணிந்து, விநாயகர் சந்நிதிக்குச் சென்று, அவரை வழிபட்டு, விரதத்தைத் தொடங்க வேண்டும். அன்று முழுக்க உபவாசம் இருக்க வேண்டும். மாலையில், விநாயகர் கோயிலுக்குச் சென்று, சங்கட ஹர சதுர்த்தி பூஜையில் பங்கேற்க வேண்டும். வீடு திரும்பி, சந்திரன் உதயமானதும், அதைப் பார்த்து வணங்க வேண்டும். பிறகு, நம் வீட்டு பூஜை அறையில் இருக்கும் விநாயகரை வணங்கி விரதத்தை முடித்துக்கொள்ளலாம். அன்றைய தினம் முழுக்க விநாயகரைத் துதிப்பது நற்பலன்களைத் தரும். க.புவனேஸ்வரி. #நன்றி : #விகடன்.

+26 प्रतिक्रिया 4 कॉमेंट्स • 27 शेयर
TR Madhavan Aug 18, 2019

+22 प्रतिक्रिया 3 कॉमेंट्स • 131 शेयर
TR Madhavan Aug 16, 2019

+67 प्रतिक्रिया 10 कॉमेंट्स • 218 शेयर
TR Madhavan Aug 15, 2019

+8 प्रतिक्रिया 1 कॉमेंट्स • 0 शेयर