మహాగణపతి పురాణము,
ప్రథమాధ్యాయము ,
ప్రస్తావన ,
శ్లోకం : శుక్లాం బరదరం విష్ణుం శశివర్ణం చతుర్భుజం ప్రసన్నవదనం ధ్యాయే సర్వ విగ్నోప శాంతయే !!
ముల్లోకముల అన్నింటిలోనూ గల 14 భువనలలోనూ పరమ పావనమైనది భూలోకము. భూలోకములో పుణ్య మైనది పురాణ ప్రాశస్యము గలది భారతావని . వేద ప్రవచనాలతో, వేదాధ్యయన , అభ్యాసాలతో , యజ్ఞయాగాదులతో, భక్తి , వేదాంత , ఆధ్యాత్మిక, వైరాగ్య, మోక్ష విధానాలతో , ఐహిక ఆముష్మిక చింతనలతో అలరారే పుణ్యభూమి భారతావని. కనుకనే , సృష్టికాలం నుండి ' దుష్టశిక్షణ -- శిష్టరక్షణ' నిమిత్తం భగవంతుడి అవతారాలన్నీ భారతభూమి యందు సంభవించాయి.
వేద వేదాంత ములకు పుట్టినిల్లు అయిన ఈ పుణ్య భూమి యందు మునులు, మహర్షులు , యోగులు, వేదాంతులు, ఆర్యులు, ఆచార్యులు , మఠాధిపతులు, పీఠాధిపతులు, అవతార పురుషులు జన్మించి తమ తమ శాంతి, ప్రేమ , సత్య, ధర్మ, అహింస ప్రబోధాలులతో భారతీయులను ఉత్తమ మార్గానా నడిపిస్తూ వచ్చారు.
ఈ పరమ పవిత్ర భారతావనిలో నిత్యం వేద పఠనం యజ్ఞయాగాదులు జరుగుతూ ఉంటాయి మునులు, మహర్షులు, మొదలుకొని సామాన్యుల వరకు నిత్యం ధ్యాన ,యోగ , తపస్సులు ఆచరిస్తూ భారతావనికి పవిత్రతను సంతరింపజేసేసారు. అట్టి తో బోధనలకు ఆలవాలమైనది నైమిశారణ్యము.
భారత భూమి యందు ఉత్తరమధ్య ప్రాంతమున వెలసిన నైమిశారణ్యము అనాదిగా ఎందరెందరో తపస్సంపన్నులకు ఆవాసంగా విరాజిల్లుతోంది.
ఇచ్చట నిత్యం మునులు వేద పఠనం గావిస్తూ ఉంటారు . మహర్షులు విశ్వశాంతి కోసం యజ్ఞయాగాది క్రతువులు ఆచరిస్తూ ఉంటారు. భగవంతుని లీలా విశేషాలను గుణగణాలను గానం చేస్తుంటారు.
పురాణ శ్రవణలతో హరికథ గానామృతం ఝరులతో నిరంతరం దివ్య జ్ఞాన శోభలతో విరాజిల్లుతూ ఉంటుంది నైమిశారణ్యం.
ఓం నమో నారాయణాయ ఓం నమో నారాయణాయ ఓం నమో నారాయణాయ ఓం నమో నారాయణాయ.🙏🙏🙏
